బ్లాగులు చదువుతూ ఉంటే "శిరాకదంబంలో" చూసిన ఈ వార్త నన్ను హతాశురాలిని చేసింది .
"మన బ్లాగ్లోకంలో సీనియర్ బ్లాగర్ 'కొత్తపాళీ' గా సుపరిచితులైన నారాయణస్వామి గారికి మామగారైన శ్రీ M.V. సుబ్బారావు గారు స్వర్గస్తులైనారని తెలియజేయడానికి విచారిస్తున్నాను."
మొన్నీమధ్యే "రంగుటద్దాల కిటికీ " పుస్తకావిష్కరణ చదివాను .. ఇంతలోనే ఇలా... శ్రీ M.V. సుబ్బావరావుగారి ఆత్మకి శాంతి కలగాలని, శ్రీ M.V. సుబ్బావరావుగారి కుమార్తే శ్రీమతి సావిత్రిగారికి , నారాయణస్వామి గారికి బ్లాగర్ల తరుపున మా ప్రగాఢ సానుభూతిని తెలియజేస్తున్నాము . ******
Read More......
హ!! చాలా రోజులకి కదా మళ్ళీ ఇలా బ్లాగు దర్శనం. :-) ఆ మధ్యెప్పుడో అంధ్రలేఖ వాళ్ళు తిన్నగా నా మానాన నేను బ్లాగులు రాసుకుంటూ ఉంటే మొదటి పదిమందిలో .. మీ బ్లాగు కూడా అంటూ హడావిడి పెట్టేశారు. పోనిలే ఎదో వచ్చింది అని నేను ఊరుకోకుండా, ఎదో ఉద్దరించేదానిలాగా "నాకు ఓటేసెయండి" అని విన్నవించేసుకున్నాను. తరువాత తెలిసింది పావుగంటకోసారి క్లిక్కులతో పాయింట్లు పెంచేసుకోవచ్చని.. ప్చ్! లెక్క బాలేదని ఇహ దాని జోలికి వెళ్ళలేదు. ఈ క్రమంలోనే ఒక బ్లాగరితో చిన్నపాటి చర్చ కొనసాగింది. అందులో ఆవిడ అడిగిన ప్రశ్న "బ్లాగు మిమ్మల్ని నడిపిస్తోందా లేక మీరే బ్లాగుని నడుపుతున్నారా?" అని.. "హఠాత్తుగా ఈ ప్రశ్న ఇలా సంధించారేమిటి " అని అడుగుతూనే.. బ్లాగు నా చేతిలోనే ఉంది ఇంకా. నేను బ్లాగు చేతిలోకి వెళ్ళలేదు" అని కచ్ఛితంగా చెప్పాను. ":-) నిజమేనా?" అని అటునుండి చిరునవ్వుతో కూడిన చిన్న సందేహం.... అనుమానామా అని అడగాలని ఆలోచించాను. చూద్దాము.... నేనీ బ్లాగుకి బానిసనా అని ప్రశ్నించుకున్నాను. లేదనిపించింది.. లేదు అని చెప్పడమెందుకు అని ఇలా కొద్ది రోజులు దూరంగా ఉండి చూడాలనుకున్నాను. బ్లాగు అన్నది నిన్నో మొన్నో వచ్చింది. బ్లాగు లేకపోతే హ్యాపీగా మిగిలిన పనులు చక్కబెట్టుకోవచ్చు, చక్కటి మ్యూజిక్ వినచ్చు, సరదాగా స్నేహితులతో తనివి తీరా మాట్లాడుకోవచ్చు, అన్నింటికి మించి శ్రీవారితో ఎక్కువ సమయం గడపచ్చు, ఎన్నో చక్కటి అనుభూతులని కోల్పోతున్నామని అనిపించించి .. ఎన్నాళ్ళు ఉండగలనో అని , నాకు నేనే చిన్న పరీక్ష పెట్టుకున్నాను.
మరి ఈ పరీక్షలో నెగ్గానా? ఎమో మీరే చెప్పాలి. ఇన్నిరోజులు, ఇన్ని నెలలు అనుకోలేదు కాని, పర్వాలేదు బ్లాగులకి,
టి. వి లకి దూరంగా ఉంటే బోల్డు పనులు చక్కబెట్టుకోవచ్చు, ఎదో ..సరదాగా మన చుట్టూ ఎవరూ లేనప్పుడు , ఈ పెట్టెతో ఇలా కబుర్లు చెప్పుకోవచ్చు. కాదంటారా చెప్పండి?
ఆమధ్య బ్లాగులెందుకు వ్రాస్తారు అన్న విషయంపై చిన్న చర్చ చదివాను ఎక్కడో, సరిగ్గా గుర్తులేదు.. కాని " బ్లాగెందుకు వ్రాస్తారో తెలిస్తే నేను ఆపేస్తాను" అని కూడా చమత్కరిచారు ఎవరో. :-).. ఏది ఏమైనా కొత్తగా వచ్చిన ఈ బ్లాగులకి దూరంగాను ఉండగలము , మరీ ఏమి పనిలేకపోతే బానిసలము అవగలమని నా అనుభవం చెప్పింది. సొ, పరీక్ష నెగ్గాననే చెప్పొచ్చు నా బ్లాగు నా చేతిలోనే ఉంది అని ఘంటాపధంగా చెప్పగలను.
*******
సరే అసలు విషయానికి వస్తాను. మావాడు వయసుకి మించిన మాటలు మాట్లాడేస్తున్నాడు అని తెలుసుకోడానికి , పిల్లలు ఏమిచేస్తున్నారో, ఎమన్నా చదువుతున్నారో లేదో తెలుసుకోడానికి ఈ కొంత విరామం నాకు చాలా బాగా తోడ్పడింది అని చెప్పుకోవచ్చు.
స్నేహితురాలి పాప విషయంలో వాడి మాటలు కాసేపు నన్ను మాట్లడనీయకుండా చేశాయి.. పిల్లలికి ఏమి చెప్పక్కర్లేదేమో అనేంతగా.. వాడన్న మాటలు క్లుప్తంగా ఇదిగో:
"ఎవరి జీవితం వారిదమ్మా ! వాళ్ళిష్టం వాళ్ళెలా అన్నా ఉంటారు, మనమెందుకు కలగజేసుకోవడం, మేము తప్పు చేస్తే మమ్మల్ని అను, అంతవరకే నీ రైట్.. అంతేకాని ఇంకోకరిని అనడం తప్పే, ఎదో మాతో ఫ్రండ్లీగా ఉంటావని నీతో అన్నాను కాని, నువ్వలా సలహాలు ఇచ్చేస్తావని అనుకోలేదు. వాళ్ళు అక్కని అడగడం కూడా తప్పులేదు. అక్కనెవరన్నా ఏమన్నా అంటే నువ్వు వెళ్ళవా? ఎంక్వైరీ కి మరి వాళ్ళు అలాగే.. మాకు మంచేదో చెడేదో తెలుసు.. మా విషయాలే నీకు చెప్తాము కాని , ఇంకెవరి విషయం ఇంకోసారి నీకు చెప్పము అంతే.. "
చాలా కచ్ఛితంగా, మరింత ఆత్మవిశ్వాసంతో, కూసింత కోపం మేళవించి వాడు అన్న మాటలు ... నన్నేమి మాట్లాడనీయకుండా చేశాయి, అక్కని ఉదాహరణగా చేసి మరీ నాకు చెప్పాడు, " అక్కయితే నువ్వు వెళ్ళవా అలాగే ఎవరి పిల్లలికి వాళ్ళు చూసుకుంటారు కాకి పిల్లకి కాకికి ముద్దు, నువ్వెందుకు కలగజేసుకుంటావు? వాళ్ళు నాతో గొడవపడితే నీకు సంతోషమా?" తూటాల్లా తగలడంలేదు? ఎన్ని ఆలోచనలు పిల్లలివి.. వాళ్ళ ఆలోచనలని నేను అందుకోలేకపోతున్నాను అనిపించింది.
ప్రతీదీ తన.. మన అంటూ బేరీజు వేసి, ఉదాహరణలతో సహా వివరిస్తుంటే, నిజం చెప్పాలంటే , నాలోని తల్లి మనసు మనసులోనే కొంచం గర్వంగా తలగరేసింది అర్థరాత్రి అపరాత్రి "రేపు ఫలానా పరీక్షమ్మా భయంగా ఉంది" అంటూ నిద్రలేపేసి తనతో పాటు కూర్చోబెట్టుకు చదువుకొనే నా చిన్నారి చింటు వీడేనా అనిపిస్తూ ఉంటుంది .....ఒక్కోసారి వాడి మాటలు వింటుంటే... :-)
పిల్లలు ఎదుగుతున్నారు... "అడ్డాలనాడు బిడ్డలు కాని గడ్డాలనాడేమిటీ" అని అంటూ ఉండేది అమ్మ... అడ్డాలనాడు కూడా కాదేమో ఇక.. మనకందే సమయం కూడా వాళ్ళకి లేదు నిజానికి. వాళ్ళ తప్పుకూడా లేదు పోటీ ప్రపంచంలో పోటీగా ఎదుగుతున్నారు వాళ్ళు కూడా... చూసి సంతోషించడమే ప్రస్తుత మన కర్తవ్యం అంతేనంటారా?
******
"ప్రతీ మనిషీ తన అనుభవం వల్లే పాఠాలు నేర్చుకోవక్కర్లేదు.అవతలి వాళ్ళ అనుభవం నించి కూడా మనం నేర్చుకోవాల్సింది ఎంతో ఉంది." .... నిజమేమో కదా! :)
Some of you may never have a chance to visit Meenakshi Amman Temple .
Some others may not want to see the temple at all. OK, here is a deal. You need not travel to Madurai .
Even if you are in Madurai , you need not get out of your comforts to go all the way to the temple. No tickets, no travel, no crowd.
Go and explore one of the magnificent temples of the world.
You will be virtually inside the temple, you can go close to the dolls adorning the towers, you can climb and reach the top of the tower, you can even feel the cool of the granite floors, you can enjoy the paintings on the roof without troubling your neck. Have a wonderful tour of the temple at your finger tips, just in few clicks away you will be inside the temple. Don't get lost.
ఏవిటో పండగపూటా హాయిగా బొబ్బట్లు చేసేసుకుని తినేసి బ్రేవ్ మని త్రేంచేశి.. నిద్రపోయా.. లేచి నా బుల్లి బ్లాగులో డైరీ రాసెద్దామని తెరుద్దును కదా ఇదిగో ఇలా నాకో మెయిల్ వచ్చేసింది.. చూసేయండి మీరు కూడా.. మరి అటోసారి వెళ్ళి నాకు(నా బ్లాగుకి) ఓటు వెస్తారా?
Dear Blogger,
Thanks a lot for the blogger community for participating in Best Blog 2009 Contest. We got very good response and it took a while for our panel to carefully review and select top 10 finalists. Our panel has given importance to clarity, subject and popularity. Following are top 10 Finalists. We ask our visitors to select their choice from January 15 2010 to January 31 2010. Our OPINION POLL section in the main page will display the top 10 bloggers names for the voting.
ఇప్పుడు ఈ పది బ్లాగుల్లో ఉత్తమమయిన వాటి కోసం సందర్శకుల అభిప్రాయం అడుగుతున్నారు. మీకు నా బ్లాగ్ నచ్చినట్లయితే, http://www.andhralekha.com కు వెళ్ళి అడుగు భాగంలో వున్న Opinion Poll కి వెళ్ళి, నాకూ(కే) మీ vote ప్లీజ్....Read More......
చిన్నప్పుడు అంటే మా తమ్ముడు 9వ తరగతి చదువుతున్నాడనుకుంట, అప్పటికి వాడిపై స్నేహితుల ప్రభావం ఎక్కువుందని చెప్పొచ్చు. అన్నయ్యేమో ఢిల్లీలో చదుకోడానికని వెళ్ళాడు. తమ్ముడికి స్నేహితుల ప్రభావం వల్ల , అమ్మ కుట్టించే బట్టలు ఇష్టం ఉండవు అలాగే ఏమి కొన్నా అడ్డుపెట్టేవాడు, నాకొద్దు నాకు నచ్చలేదు అని.. అలా ఓసారి ఏదో పండగకి వాడు కొత్త బూట్లు కొనుక్కొచ్చుకున్నాడు, అమ్మ కొనిచ్చినవేవో నచ్చలేదని, అప్పట్లో వాటి ఖరీదు 900 పై మాటే. 900 అంటే 1980 లో మామూలు మాటలు కాదు మా బడ్జెట్ ప్రకారం. అమ్మకి 300 .. 400 ఫింఛను వచ్చేది. అక్క సెలవలని ఏదో టీచర్ ఉద్యోగం, నేను స్కూల్.. ఇలాంటి పరిస్థితుల్లో వాడు అంత ఖరీదు పెట్టి ఆ బూట్లు కొనుక్కోడం ఇద్దరికి (అక్కకీ, నాకు) కోపం వచ్చేసింది. మర్నాడు తమ్ముడు ఇంట్లో లేని టైం చూసి, ఆ బూట్లు బాలేదనో మరి సరిపోలేదనో ఆ షాప్ వాడికి ఇచ్చేసి డబ్బులు తెచ్చేశాము (అంతకు ముందే మాములుగా అడుగుతున్నట్లు ఎక్కడకొన్నాడో తెలుసుకున్నాము కాబట్టి... తెలిసిన షాప్ అతనే అవడం కాస్త సులవయ్యింది) వాడు ఇంటికి వచ్చాక , మా ఇద్దరిమీద విరుచుకు పడ్డాడు, ఏడ్చేశాడు, అయినా కరగలేదు డబ్బులు ఇవ్వలేదు. ఇప్పటికి తమ్ముడా విషయం గుర్తుపెట్టుకుంటాడు, మా బాబు తో కూడా "మీ అమ్మావాళ్ళు ఇలా చేశార్రా.. మీరు మటుకు నాలా ఊరుకోవద్దు అని ఉపదేశాలు కూడా చేస్తూ ఉంటాడు :-) " . ఇప్పటికి వాడే బూట్లు కొనుక్కున్నా "ఎలా ఉన్నాయక్కా " అని అడుగుతాడు కాని అవి ఎంతో చెప్పడు, భయం అని కాదు (ఇప్పుడు చెప్పినా మేమేమి చెయ్యలేము కూడా వాడి సంపాదన :-) ) కాని ఎందుకు అనవసరంగా అని ఒకసారి ఫ్లాష్ బ్యాక్ కి వెళ్ళొచ్చేస్తాడు "అప్పుడు..అలా .. మీరు.... అంటూ" సరదాగా నవ్వేసుకుంటాము. ఇదంతా ఈరోజు ఎందుకు గుర్తొచ్చిందంటే.. అక్క , అక్క బాబు వచ్చారు ఈరోజు అరిసెల ప్రహసనం చెప్పానుగా. "బూట్లు ఇంట్లో వదులుతా పిన్నీ.. బయట వద్దు వర్షం వస్తోంది పాడయిపోతాయి " అని "సరే" అని సాధారణంగా అన్నాను కాని, "జాగ్రత్తే బాబు అవి ఇంతా ఖరీదువి" అని అక్క అనేసరికి నిజం చెప్పొద్దు నా గుండె ఆగినంత పనయింది .. అక్కా నేను ఒకేసారి తమ్ముడు బూట్లు ఇచ్చేయడం గుర్తు చేసుకున్నాము. "అప్పుడంటే అలా తిరిగి తీసుకున్నారు కాని ఇప్పుడు తీసుకోరే బాబు.. వీడేమో కొనేశాడు " అని అక్క. మా ఒక నెల ఇంటి అద్దె.. ఎందుకో అనిపించింది ఎంత ఖరీదయినా వాటిని కాలి కిందే తప్పితే మంచం మీద పెట్టలేము కదా... మా తమ్ముడు అంతకన్నా ఎక్కువే పెడ్తాడు, ఇక రేపు మా బాబు కూడా, అంత ఖర్చు చెప్పులకి అంటే నా పాతకాలపు ఛాదస్తపు మనసు ఉస్సూరుమంటోంది. (బంగారమయితే అలా పడి ఉంటుంది) ఒక 6 నెలల తరువాతో, ఇంకో సంవత్సరం తరువాతో మార్చేసే వీటికి ఇంత ఖరీదాఆఆఅ ఎమో... జిహ్వకో రుచి, పుఱ్ఱె కో బుద్ది.
భోగి పిండివంటలతో ఈరోజంతా గడిచిపోయింది. అరిసెలు, బొబ్బట్లు , కొంచం జంతికలు మా పిండివంటలు ఈసారి.
అందరికీ భోగి శుభాకాంక్షలతో..
*****
జీవితంలో పోలిక తెలియనంత వరకూ పర్వాలేదు.ఒకసారి పోలిక తెల్సిన తర్వాత లభ్యమయిన దానికన్నా అలభ్యమయినదే బాగుంటుంది. అందీ అందకపోడంలో ఉన్న అందమే ఆకర్షణై బలమయిన తపనగా మారుతుంది. కదా...
3,472,313
